هو فعلا ادارة الموارد البشرية تكلفتها عالية وبتخسر الشركة فلوس؟ تعالى نجاوب لك

مدونة الموارد البشرية - أكاديمية جدارات - هو فعلا ادارة الموارد البشرية تكلفتها عالية وبتخسر الشركة فلوس؟ تعالى نجاوب لك

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

بيحصل دايما كلام فى الشركات ان ادارة الموارد البشرية أو hr بتصرف فلوس الشركة…ادارة الموارد البشرية أو hr بتضيع فلوس الشركة…ادارة الموارد البشرية أو hr مش عارفين هما بيصرفوا فى المشروع ده ليه…

كلام كتير من الموظفين والمديرين وكمان الإدارة العليا…ولما الموضوع ده بيحصل فى شركة عائلية بيكون أصحاب المال حساسين جدا جدا للكلام ده…ودماغهم تاخد وتجيب وبيكون اللى جاى مش كويس على كل الناس اللى شغالين فى الموارد البشرية أو hr

والمشكلة بتزيد لما مدير الموارد البشرية أو hr ما يقدرش يقول رد مقنع ولا يكون عنده رد بالأرقام…ولما مدير الموارد البشرية أو hr مايقدرش يرد…الشكوك بتتحول لحقيقة…والمشكلة تكبر جدا

بس لازم تعرفوا ان أى حد شغال فى الموارد البشرية أو hr لازم يتكلم – وبالأرقام عن تكلفة الموارد البشرية أو hr بالمقارنة بإجمالى تكلفة تشغيل الشركة – مش يتكلم عن تكلفة الموارد البشرية أو hr لوحدها

علشان انت لو قعدت تتكلم وتقول: ان الموارد البشرية أو hr صرفت كذا على المشروع ده وصرفت كذا على الموضوع ده…كده أنت عمال بتأكد معلومة ان الموارد البشرية أو hr بتصرف وبتضيع فلوس الشركة

انما لو اتكلمت على “إجمالى تكاليف تشغيل الشركة” ونسبة تكلفة الموارد البشرية أو hr لإجمالى تكاليف تشغيل الشركة…هنا حتلاقى ان تكلفة الموارد البشرية أو hr نسبة صغيره ومش هيا يعنى اللى حتضيع مستقبل الشركة…شوف الجدول ده

مدونة الموارد البشرية - أكاديمية جدارات - هو فعلا ادارة الموارد البشرية تكلفتها عالية وبتخسر الشركة فلوس؟ تعالى نجاوب لك

الجدول ده انت ممكن تعمل واحد زيه لشركتك ولإدارة الموارد البشرية أو hr عندك عن طريق آلة حاسبة حتاخدها دلوقتى هنا فى مدونة الموادر البشرية من أكاديمية جدارات…بس طبعاً لازم تجيب أرقام تكاليف تشغيل الشركة من حبيابك بتوع الإدارة المالية فى الشركة…وبلاش تضرب أى أرقام…والإ حتبقى فضيحة بجلاجل فى الشركة…هههه

وزى ما أنت شايف من الجدول اللى طلع من الآلة الحاسبة دى…نسبة تكاليف الموارد البشرية أو hr لا تتعدى 21% من أجمالى تكاليف تشغيل الشركة…وكمان النسبة تقريباً ثابته…ممتاز يعنى…كمان الأرقام اللى أنت شايفها دى ممكن تحولها لرسم بيانى محترف على برنامج أكسيل وتتكلم بيها مع الإدارة العليا…حاجة زى كده…

مدونة الموارد البشرية - أكاديمية جدارات - هو فعلا ادارة الموارد البشرية تكلفتها عالية وبتخسر الشركة فلوس؟ تعالى نجاوب لك

يلا يا سيدى…بالتوفيق…

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك