عندك مشكلة فى التوظيف؟ تعالى نحلها لك

مدونة الموارد البشرية - أكاديمية جدارات - عندك مشكلة فى التوظيف؟ تعالى نحلها لك

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 شغلنا فى الموارد البشرية أو hr مكون من خطوات كلها راكبة على بعض وكلها متعلقة ببعض وكلها متشبك مع بعض…ولو ما قدرتش تعرف مستوى اداء كل خطوة لوحدها – ممكن تلاقى ان أداء ادارة الموارد البشرية أو hr مش مظبوط وفى نفس الوقت أنت مش عارف المشكلة فين…

والحقيقة ماينفعش نتعامل بالجملة مع شغلنا فى الموارد البشرية أو hr – لازم نحلل وبالأرقام أداء كل خطوة من شغلنا – ولو لاقينا خطوة معينة مش مظبوطة نقدر نحط أيدينا على الخطوة اللى فيها مشكلة ونحلها وبالتالى أداء ادارة الموارد البشرية أو hr تتحسن

بالظبط زى أى دكتور – بيطلب تحاليل وفحوصات علشان يعرف المشكلة فين…يعنى لو جاله مريض عنده حراراه عالية ممكن الموضوع كله يكون شوية برد…ولا قدر الله ممكن يكون أخطر من كده…لازم نحلل ولازم نعمل فحوصات…

طيب تعالوا نحلل ونعمل فحوصات لبعض خطوات عملية التوظيف أو recruitment and selection فى الشركة…

مثلا لو جالك ملاحظة من الإدارة العليا ان ادارة الموارد البشرية أو hr بتتأخر فى توظيف الناس الجديدة…وان كده نظام التوظيف مش كويس…وان الناس اللى شغالين فى التوظيف مستواهم مش كويس…وغيره من الملاحظات العامة اللى مش ممكن ناخدها زى ما هيا وناخد عليها قرارات…

لو حللنا خطوات التوظيف باستخدام آلة حاسبة – حاتخدها مجاناً دلوقتى من مدونة ادارة الموارد البشرية فى أكاديمية جدارات – حتلاقى ان نسبة عدد الناس اللى بيدخلوا أنترفيو الى نسبة الناس اللى بيقبلوا العرض المالى للوظيفة job offer بيقول مؤشرات مهمة…

مثلا ممكن نكتشف ان عدد الناس اللى دخلت الانترفيو كانوا كتير فى حين ان نسبة قليلة منهم قبلت العرض المالى للوظيفة job offer يبقى المشكلة فى المرتبات والحوافز والمزايا اللى بتقدمها الشركة…أو فى أن احنا استخدمنا طريقة لاستقطاب الموظفين talent acquisition كانت غلط لإنها جابت لينا موظفين – مثلا – خريجين الجامعة الأمريكية مش حيوافقوا على مرتبات شركتى وعلشان كده ضاعوا منى فى خطوة العرض المالى للوظيفة job offer

وبكده أنت عرفت المشكلة فين…اما نراجع طريقة استقطاب الموظفين talent acquisition أو نراجع نظام المرتبات والحوافز compensation and benefits فى الشركة بالمقارنة بالشركات المنافسة فى نفس الصناعة وفى نفس البلد علشان نشوف – ممكن نكتشف ان احنا أقل جدا من السوق…وكده مش حنقدر ننافس الشركات اللى زينا

شوف مثلا عرض لآلة حاسبة ممكن تساعدك فى تحليل خطوات عملية التوظيف recruitment and selection وتقدر من خلالها تشخص فين المشكلة وتشتغل على حلها

مدونة الموارد البشرية - أكاديمية جدارات - عندك مشكلة فى التوظيف؟ تعالى نحلها لك

وبكده تقدر تحلل فين المشكلة فى خطوات عملية التوظيف recruitment and selection وتركز على اصلاح المشكلة

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك