شغال فى الموارد البشرية؟ ازاى ممكن تتكلم عن غياب الموظفين من غير مشاكل؟

مدونة الموارد البشرية - أكاديمية جدارات - شغال فى الموارد البشرية؟ ازاى ممكن تتكلم عن غياب الموظفين من غير مشاكل؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 كتير من زملائنا اللى شغالين فى الموارد البشرية أو hr بيكون عندهم حكاية غياب الموظفين دى مشكلة…ازاى يتكلموا عنها من غير ماتخلى الموظفين نفسهم يكرهوا ادارة الموارد البشرية أو hr؟ ازاى تحل مشكلة غياب الموظفين؟ ازاى تعرف الإدارة العليا بمشكلة غياب الموظفين من غير ما تظهر فى الشركة أنك بتضرب فى المديرين اللى عندهم نسب غياب عالية للموظفين؟

الحقيقة ان غياب الموظفين لازم نتكلم عنه بطريقة محترفة ومن غير ما نقول أسماء الموظفين ولا الإدارات و المديرين اللى عندهم غياب…ولازم نتكلم عن الموضوع ده من وجهة نظر ان الهدف هو تحسين نسبة غياب الموظفين بتقليل عدد أيام الغياب…ومش الهدف ان احنا نشتغل ظباط شرطة فى الشركة ونقعد نقول مين جه ومين غايب…

كل واحد شغال فى الموارد البشرية أو hr لازم يعرف انه لو اتاخد عنه انطباع انه بتاع الإنضباط وبتاع اللوايح…هنا حيتركن فى الشركة على جنب والموظفين والمديرين حايكرهوه…

لكن لازم يتعرف أنك راجل أو سيدة أعمال…لما بتتكلم عن غياب الموظفين – مثلا – بتتكلم علشان تطور أداء الموظفين والمديرين – علشان صالح الشركة كلها بما فيها الموظفين والمديرين…وللمرة التانية من غير ما نقول أسماء موظفين ولا مديرين ولا نشاور على ادارات عندها مشاكل غياب…الهدف التطوير…مش المراقبة والمحاسبة

كمان لازم تعرف ان غياب الموظفين ليه أسباب كتير..محتاجين نعرفها ونشوف مين فيها هو سبب الغياب…ونشتغل عليه بصورة ايجابية علشان نحسن نسبة الغياب…

من أسباب غياب الموظفين عدم رضاهم عن الشركة…وعن المرتبات…وعن المديرين…وربما عن طبيعة الوظيفة…

ومن أسباب الغياب ان نظام نقل الموظفين الى الشركة ومنها – صعب ومش مرن والموظفين عندهم صعوبة فى الوصول للشركة أو للرجوع لبيوتهم بعد نهاية الشغل…

كمان ممكن من أسباب غياب الموظفين ان ساعات العمل ممتدة وبيتأخروا بالليل ومطلوب منهم كمان يكونوا الصبح بدرى تانى يوم فى المكتب…

فيه أسباب كتير يعنى…مش السبب الوحيد ان الموظف متسيب ومهمل…فكر فى الأسباب الحقيقة…اعمل استبيان رأى للموظفين علشان تعرف أسباب الغياب

تعالوا نتكلم عملى شوية…لما تتكلم عن الغياب…اتكلم عن نسبة الغياب الإجمالية…باستخدام آلة حاسبة زى اللى انت حاتخدها دلوقتى فى آخر المقال ده واللى حتطلع لك جدول زى ده

مدونة الموارد البشرية - أكاديمية جدارات - شغال فى الموارد البشرية؟ ازاى ممكن تتكلم عن غياب الموظفين من غير مشاكل؟

وزى ما أنت شايف: الكلام عام عن نسبة الغياب…لا بنقول مين ولا فى ادارة ايه ولا المدير مين اللى عنده غياب…وفى نفس الوقت بناقش أسباب نسبة الغياب…أمتى بتزيد وأيه الأسباب وازاى ممكن نقللها…

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك