تقول ايه لو اتهموك بأن عدد الناس اللى شغالين فى الموارد البشرية عندك كتير؟

مدونة الموارد البشرية - أكاديمية جدارات - الناس اللى شغالين فى الموارد البشرية عددهم كتير - طيب نعمل أيه؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 من الصعوبات اللى بنشوفها فى شغلنا فى الموارد البشرية أو hr كلام بيطلع من مدير أو موظف عنده مشكلة مع الموارد البشرية أو hr يقعدوا يقولوا ان الناس اللى شغالين فى الموارد البشرية أو hr عددهم كتير…والشغل فى الشركة مش محتاج العدد ده كله…

والحقيقة الكلام ده ممكن يلاقى ترحيب من الإدارة العليا لو الناس اللى شغالين فى الموارد البشرية أو hr مش بينفذوا النصايح اللى بنقولها فى مدونة الموارد البشرية المقدمة من أكاديمية جدارات وشغالين فى الشركة بيخلصوا ورق وبس

كمان المديرين فى الإدارة العليا – لو مستوى فكرهم وتعليمهم متوسط – حتلاقى تصوراتهم عن الموارد البشرية أو hr على قد تخليص الورق وبس…علشان كده لما حد يجيى ليهم يقول ان عدد موظفين الموارد البشرية أو hr كبير يبدأوا يقلقوا ويتكلموا انه…آه فعلا…عددهم كبير…طيب تعالى يا مدير الموارد البشرية أو hr وقول لينا: أنتوا بتعملوا أيه فى الموارد البشرية أو hr؟ وتكون دى بداية النهاية الغير سعيدة لإدارة الموارد البشرية أو hr

طيب نعمل أيه؟

لازم تتكلم بدرى مع المديرين والإدارة العليا – بالأرقام – عن طريق حساب نسبة عدد موظفين الموارد البشرية أو hr الى اجمالى عدد موظفين الشركة…وتابع النسبة دى شهر بشهر و ده عن طريق آلة حاسبة حاتخدها فى آخر المقال ده – مجاناً – وتطلع جدول زى اللى حتشوفه ده وتتكلم بيه مع المديرين

مدونة الموارد البشرية - أكاديمية جدارات - الناس اللى شغالين فى الموارد البشرية عددهم كتير - طيب نعمل أيه؟

وهنا حتظهر ان نسبة عدد موظفين الموارد البشرية أو hr الى عدد موظفين الشركة مش كبير ولا حاجة…بس هنا ممكن يطلع مدير يقول لك: مين قال ان النسبة دى مش كبيرة…هنا نعمل الخطوة التانية…

علشان كلامك يكون قوى – لازم تجيب معلومات من الشركات المنافسة ليك فى السوق عن نفس الأرقام دى عندهم…وتشوف الموارد البشرية أو hr عندك زى الشركات اللى فى السوق؟ وبكده أنت لما تتكلم عن عدد موظفين الموارد البشرية أو hr – أنت بتتكلم بالأرقام اللى بتوضح ان النسبة مش عالية ولا حاجة…وكمان النسبة دى زى السوق والشركات المنافسة لينا…والكلام بالأرقام واضح ومافيهوش أنطباعات شخصية…ولا فيه حاجة أسمها أنا “حاسس” ان عدد الناس اللى فى الموارد البشرية أو hr كتر ولا حاجة…

طيب لو استخدمت الآلة الحاسبة دى ولاقيت ان نسبة عدد موظفين الموارد البشرية أو hr الى عدد موظفين الشركة أكبر من نفس النسبة فى الشركات المنافسة فى السوق…هنا لازم تكون راجل أعمال محترف…تعترف ان النسبة عالية وتبدأ فى اعادة هيكلة ادارة الموارد البشرية أو hr وإما انك تنقل الموظفين الزيادة فى الموارد البشرية أو hr لإدارات تانية أو تاخد موافقة الإدارة العليا على استمرارهم فى الموارد البشرية أو hr – مع معرفة واعتراف الإداراة العليا بأنهم زيادة عن النسبة الطبيعية…

أنت كده محترف و حبيبى وكفاءة…

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك