تقول أيه لو أنت مدير الموارد البشرية وأتهموك أنك بتضيع فلوس الشركة على المرتبات؟

مدونة الموارد البشرية - أكاديمية جدارات - تقول أيه لو أنت مدير الموارد البشرية وأتهموك أنك بتضيع فلوس الشركة على المرتبات؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 دايماً الناس اللى شغالين فى الموارد البشرية أو hr بيكونوا فى وضع اتهام أنهم بيضيعوا فلوس الشركة فى حاجات كتيرة…منها المرتبات

وتلاقى اللى بيتهموك دول ممكن يكونوا مديرين عندهم مشاكل مع الموارد البشرية أو hr وعايزين يصفوا حسابتهم معانا…أو مدير مالى مش فاهم فى شغلنا “أو عايز يستعرض قدراته وولاءه أمام الإدارة العليا”…أو حد من الإدارة العليا فيه حد لعب فى دماغه…أو أى حد تانى…

وأمام الاتهامات دى بيكون الناس اللى شغالين فى الموارد البشرية أو hr واقفين مشلولين مش قادرين يردوا ولا يقولوا أى حاجة…كأنهم بيقولوا…آه…أحنا فعلاً بنضيع فلوس الشركة

فى حين انك ممكن ترد على الاتهامات دى ببساطة باستخدام الآت حاسبة – زى اللى احنا حنقدمها ليك النهارده فى مدونة الموارد البشرية من أكاديمية جدارات – الآلة الحاسبة دى حتخليك تقول لكل مدير ولكل انسان ببساطة ايه هيا نسبة المرتبات الى اجمالى دخل الشركة…وكأنك بتقول لهم: انتم زعلانين ان احنا بندفع كذا مرتبات…طيب يا حلوين تعالوا أقولكم تطور نسبة المرتبات الى اجمالى دخل الشركة…فى جدول زى ده

مدونة الموارد البشرية - أكاديمية جدارات - تقول أيه لو أنت مدير الموارد البشرية وأتهموك أنك بتضيع فلوس الشركة على المرتبات؟

وبكده أنت بتقلل جداً من أهمية الاتهامات دى لإن نسبة المرتبات عادة بتكون قليله جدا الى اجمالى دخل الشركة وكمان بتوصل رسالة للإدارة العليا أن أنت فى الموارد البشرية أو hr مش شغال سباك…لا أنت شغال بأسلوب علمى وبتابع شغلك بالأرقام زى أى مدير محترف فى إدارة مهمة…

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك