ازاى تُثبت ان ادارة الموارد البشرية مهمة فى الشركة فعليا؟

مدونة الموارد البشرية - أكاديمية جدارات - ازاى تُثبت ان ادارة الموارد البشرية مهمة فى الشركة فعليا؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 فيه شركات كتير – منها شركات كبيرة فعلا – بتتكلم – نظرياً – عن أهمية الموظفين وانهم رأس مال الشركة الحقيقى…وكلام من ده كتير…لكن مع أول مشكلة تواجه الشركة تلاقى ادارة الشركة تضحى بالموظفين وتخفض مرتباتهم…يعنى كان كلام فى الهوا!!!

طيب ليه ده بيحصل؟

ببساطة علشان الإدارة العليا مش فاهمين مبدأ رأس المال البشرى – أو Human Capital

رأس المال البشرى أو Human Capital هما الموظفين اللى مستواهم عالى فى المهارات والكفاءة – واللى هما فعليا بيزودوا قيمة الشركة – بالأرقام – فى حالة تقييم الشركة فى البورصة واللى هما بيقدروا يحولوا الشركة لشركة لا يمكن منافستها

شوف مثلا – الموظفين بتوع شركة أمازون – عملوا طيارة هليكوبتر علشان تخلى توصيل الطلبات فى 30 دقيقة فقط

الموظفين بتوع أمازون دول فعلا رأس مال بشرى قوى وهما اللى رفعوا قيمة شركة امازون وهما اللى خلوها بالقوة دى…وهنا يجى دور كل اللى شغالين فى الموارد البشرية أو hr…

طيب ازاى احنا فى الموارد البشرية أو hr نقدر نطور نظام لإدارة رأس المال البشرى؟

اعمل كل مجهود ممكن فى التدريب علشان ترفع مستوى الموظفين – كل الموظفين – بما فيهم المديرين – وبلاش تخلى التدريب من غير معنى ولا هدف ولا يكون فسحة للموظفين ولا عقاب ليهم

شجع – مع المديرين – على وجود نظام للإبتكار و أعطى هدايا لأصحاب الأفكار من الموظفين

اعمل نظم تحفيز للموظفين علشان يحبوا الشركة ويحبوا يكبروها – مش يكرهوا الساعة اللى بيجوا فيها الشركة

عرف المديرين – باستخدام الآلآت الحاسبة اللى انت شوفتها على مدونة الموارد البشرية – قيمة العائد على الاستثمار فى رأس المال البشرى

من الآخر…مسؤلية كل اللى شغالين فى ادارة الموارد البشرية أو hr انهم يبنوا منظومة رأس المال البشرى Human Capital ويطورها علشان يكبروا الشركة ويزودوا قيمتها فى السوق…بالأرقام

انت كده أثبت أهمية ادارة الموارد البشرية أو hr – اللى حترفع قيمة الشركة فى السوق – بالأرقام – عن طريق بناء وتطوير منظومة رأس المال البشري

قولى حتعمل أيه أنت فى الموضوع ده؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك