ازاى تاخد أحسن وظيفة فى الموارد البشرية أو hr ؟ #1

مدونة الموارد البشرية - أكاديمية جدارات - ازاى تاخد أحسن وظيفة فى الموارد البشرية أو hr ؟ #1

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

عايز تغير وظيفتك الحالية فى الموارد البشرية أو hr؟ عايز تروح شركة تانية بترقية فى الموارد البشرية أو hr؟ عايز تشتغل من الأول فى الموارد البشرية أو hr؟ أنت جيبت المكان الصح…تعالى معانا واحنا حنساعدك…

لازم تعرف يا سيدى ان الوظيفة الجامدة فى الموارد البشرية أو hr – الوظيفة اللى مرتبها عالى – الوظيفة المريحه – الوظيفة اللى فيها خبرات عالية وتدريب وتطوير جامد واللى فرص الترقية فيها عالية…الوظيفة دى مش حيتم الاعلان عنها فى جريدة ولا حتلاقيها على موقع توظيف ولا فيه شركة توظيف حتكلمك عنها…الوظايف دى بتخلص بالعلاقات…الوظايف دى مستخبية فى سوق العمل المتخفى – أو ما يُسمى Hidden Job Market

وعلشان تخترق سوق العمل المتخفى ده مافيش غير طريقة واحدة…لازم يكون عندك شبكة علاقات

لازم تعرف ان مهارات بناء شبكات العلاقات هى أهم مهارة – على الإطلاق – لازم تعرفها وتعرف تشتغلها لو كنت عايز تعيش فى الدنيا اللى احنا فيها دى وترتاح

خد كل الشهادات اللى تقدر عليها فى الموارد البشرية أو hr – من غير شبكات العلاقات مش حتاخد وظيفة حلوة

انتحر فى الشغل 18 ساعة كل يوم – 7 أيام فى الأسبوع – مش حتترقى من غير شبكات العلاقات

خليك أشطر واحد فى تخصصك فى الموارد البشرية أو hr – واشتغل فى شركتين وتلاتة وخمسة – مش حتبقى مدير الموارد البشرية أو hr ولا رئيس قطاع hr director من غير شبكات العلاقات

أكتب أجمد سي فى وابعتها لعشرين ألف شركة…ولا حتاخد فرصة من غير شبكات العلاقات

كمان لازم تعرف ان شبكات العلاقات مختلفة تماما عن الواسطة…الواسطة بتجيب الفرصة الكاملة لواحد ربما لا يستحقها – علشان كده الواسطة حرام – لكن شبكات العلاقات بتجيب المعلومة بس – وانت بخبرتك وقدراتك بتكمل الباقى

و كمان لازم تعرف ان بناء وتطوير شبكات العلاقات مش فهلوة – لا – ده علم – واحنا فى مدونة الموارد البشرية أو hr من أكاديمية جدرات حنساعدك – عمليا – على تعلم العلم ده وتستخدمه فى انك تاخد وتختار أحسن وظيفة فى الموارد البشرية أو hr 

بلغ كل أصحابك اللى شغالين فى الموارد البشرية أو hr عن سلسلة المقالات دى – وتابعنا على مدونة الموارد البشرية أو hr 

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك