ازاى ادارة الموارد البشرية تقول انها بتجيب فلوس للشركة…مش بتضيع فلوسها؟

مدونة الموارد البشرية - أكاديمية جدارات - ازاى ادارة الموارد البشرية تقول انها بتجيب فلوس للشركة...مش بتضيع فلوسها؟

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك

 فى كل شركة فيه نوعين من الادارات – ادارات بتجيب فلوس “او بتوفر فلوس” للشركة – ودى اسمها الادارات الربحية أو Profit Centers زى ادارات البيع والانتاج – وطبعاً الإدارات دى حبايب الشركة وأسياد الشركة علشان هما اللى بيصرفوا على الشركة كلها ومن غيرهم مافيش شركة أساساً

وفيه ادارات تانية بتصرف فلوس وبتكلف الشركة مصاريف واسمها Cost Centers زي حالتنا فى الموارد البشريةأو hr والشؤون الإدارية

وطبعاً الادارات دى – عادة – بيشتغلوا عند الإدارات اللى بتجيب فلوس وبتصرف على الشركة وبيكونوا – يا عينى – مطحونين وبياخدوا أقل مرتبات وأقل مزايا

بس الصورة كده غلط ولازم نصلحها فى الموارد البشرية…طيب ازاى؟ هو احنا بنجيب فلوس للشركة؟ هو احنا بنبيع أى حاجة؟ ولا احنا بننتج أى حاجة؟

شوف يا سيدى…فكٌر كده…

هو مين اللى ممكن يعمل نظام توظيف recruitment and selection “يوفر فلوس” للشركة ويزود أربحاها؟ ومين اللى ممكن يصمم برنامج تدريب training and development يخلى بتوع ادارة البيع يقدروا يبيعوا المنتجات الجديدة؟ ومين اللى ممكن يغير نظام تقييم الأداء performance management علشان يخلى الموظفين يركزوا على بيع منتج جديد وينجح فى السوق؟

مين؟ مين يا متعلمين يا بتوع المدارس؟ مين؟ مش أحنا بتوع الموارد البشريةأو hr ؟

بس ازى نوصل المعلومة دى؟

النهارده فى مدونة الموارد البشرية من أكاديمية جدارات احنا جبنا ليكم آلة حاسبة بتقدر بيها تحسب الربحية اللى بيحققها الموظف اللى شغال فى الشركة profit per employee

فلو قدرت تعرف من حبيابك بتوع الحسابات أيه هيا مبيعات الشركة وأيه هيا مصاريف التشغيل للشركة وأنت عندك عدد الموظفين اللى شغالين طول الوقت FTE – تقدر باستخدام الآلة الحاسبة دى تقول مساهمة كل موظف فى ربحية الشركة كانت كام – حاجة زى كده

مدونة الموارد البشرية - أكاديمية جدارات - ازاى ادارة الموارد البشرية تقول انها بتجيب فلوس للشركة...مش بتضيع فلوسها؟

وهنا تقدر تقول ليه مساهمة الموظف فى الربحية زادت – يعنى مثلاً – علشان تعديل نظام تقييم الأداء performance management اللى أحنا عملناه فى الموارد البشريةأو hr وكانت نتيجته تركيز الموظفين على بيع المنتج الجديد ونجاح عملية طرحه فى السوق…مثلا يعنى

وكمان ممكن تجوٌد وتعرض نتيجة الآلة الحاسبة فى رسم بيانى زى ده وتتكلم عليه

مدونة الموارد البشرية - أكاديمية جدارات - ازاى ادارة الموارد البشرية تقول انها بتجيب فلوس للشركة...مش بتضيع فلوسها؟

وبكده أنت بتوصل رسالة قوية – وبالأرقام للجميع – ان احنا فى ادارة الموارد البشريةأو hr مش ادارة بتضيع فلوس الشركة – لأ – احنا ادارة بتجيب فلوس وبتوفر فلوس للشركة…وبتساهم فى أرباح الشركة…

اضغط هنا علشان تحمل – مجانا – الآلة الحاسبة

شغال فى الموارد البشرية وعايز تعمل برامج تدريب تشرفك فى شركتك؟ أكاديمية جدارات ممكن تساعدك